Одите на кратко патување и не сакате да поминете половина викенд во купатило? Се брзате за работа и немате време за миење на косата, или треба да излегувате а сакате да излгедате заводливо и секси? За сите овие ситуации постои едноставно и брзо решение, а името му е - сув шампон...

Овој мал "јунак од шише" може да го продолжи вашиот свеж изглед на косата за ден-два, а покрај тоа додава и волумен кој секогаш е добредојден. Ако никогаш не сте користиле сув шампон, послушајте ги нашите совети и за само неколку минути ќе уживате во прекрасната, свежа коса.

1.Изберете го вистинскиот шампон за вашата коса
Иако класичниот сув шампон еднакво делува на сите бои на коса, ако не се исчетка добро, може да остави непријатни бели траги па затоа на бринетите и црнките им препорачуваме да го изберат оној кој е наменет за темна коса.

2.Нанесете го само на коренот
Овој шампон е наменет за впивање на маснотиите па доволно е да го нанесете само на подрачјето на темето а не на цела коса.

3.Бидете трпеливи
Почитувајте ги упатствата на амбалажата и причекајте неколку минути додека правта не се впие. Така ќе постигнете најдобри резултати.

4.Исчеткајте добро
Сувиот шампон за коса е важно добро да се исчетка за да може успешно да ја заврши својата задача, но и за да не изгледате како да имате првут.

5.Искоритете ја погодноста
Сувиот шампон на косата и дава неверојатен волумен, што го знаат и најпознатите светски фризери кои често го користат. Искористете ја таа погодност и направете некоја пријатна фризура како што е пашка во стилот на 60-тите, волуменизирана плетенка или мачкаста фризура со гламурозни кадрици.