Ако не сакате да се изложите кожата на штетното влијание од ултравиолетовите зраци, а при тоа сакате да имате убав тен пробајте да се "испечете" со кафе!...

Освен што на кожата ќе и дадете летна нијанса, кафето ќе ја оптегне бидејќи има својства на скраб. При тоа маската за тен може да дејствува и хидратантно, ако содржи маслиново масло на пример. Да не заборавиме уште еден важен ефект на кафето - антицелулитниот.

Смесата се подготвува лесно. Потребни ви 1 чаша талог од кафе и 2 лажици маслиново масло. Измешајте ги состојките и нанесете ја на кожата. Добро е тоа да биде со масажа со лесни движења. Оставете ја маската да делува 20 минути. По миењето ќе видите дека вашата кожа добила нијанса на лесен вечерен тен. Сепак има едно "но" - а тоа е дека вештачкиот тен ќе падне уште при следниот туш.

Ако дополнителен пигмент ви треба само на лицето, треба да го миете секое утро со свежо варено кафе. Може да користите и коцки мраз од кафе - така простапката ќе има и затегнувачки ефект. Побрз ефект сепак имаат маските - едноставно измешајте мелено кафе со малку вода и нанесете ја смесата на лицето за 10-15 минути. Потоа измијте ја со вода и намачкајте ја кожата со хидратантен крем. Ако имате сува кожа во смесата може да додадете и малку маслиново масло.