Луѓето често не можат да изберат соодветен метод за симнување на килограмите и лесно се откажуваат при првата тешкотија со која ќе се соочат. Вежбите кои ве оптоваруваат повеќе психички отколку физички, не вршат работа, бидејќи вие насила се терате да ги правите...

Сигурно сте се прашувале дали може да ја намалите телесната тежина со едно сосема едноставно и достапно вежбање - пешачењето. Да или не. Има многу фактори кои влијаат.

Одењето со умерено темпо во рок од 30 до 60 минути ги топи наталожените маснотии и гради мускулна маса, го забрзува метаболизмот и помага да ја намалите телесната тежина. 60 минути брзо одење - до 10.000 чекори, намалува од 300 до 500 калории и доведува до губење на тежината, ако го правите секојдневно.

За да има видливи резултати, треба да одите редовно и долготрајно. Прошетката во паркот нема да биде доволна за да се ослободите од оние досадни 5 сантиметри. Ќе треба да се потрудите, колку и едноставно да изгледа одењето како движечка активност. Освен тоа, ќе треба да ја прилагодите и исхраната доколку сакате да постигнете оптимални резултати.