Ако имате проблем со заспивањето, веројатно се држите до советите - не пијте кафе попладне и навечер, не вежбајте во доцните часови, а исто така и компјутерот е она кое треба да го избегнувате. Нo, сепак има денови кога сонот не сака да дојде...
Еве што може да направите:
Наутро наместете го креветот. Истражување коe беше спроведено оваа година во Америка покажало дека луѓето кои наутро си го местат креветот поретко патат од несоница од ониe кои немаат таква навика. Иако за тоа нема рационалано објаснување, психолозите претпоставуваат дека станува збор за тоа дека средената спална соба делува поопуштено.
Од истата причина препорачливо е спалната соба да ја одржувате чиста.
Менувајте ја постелнината еднаш неделно. Дури 78% од испитаниците кои учествувале во истражувањето изјавиле дека многу подобро спијат во постелнина која "мириса чисто".
Не претерувајте со перниците. Две максимум. Луѓето кои користат една или две перници имаат помалку проблеми со спиењето од оние кои имаат три или повеќе перници во креветот.
Пригушете ги светлата. Преку ноќта наште толо лачи мелатонин, хормон кој го регулира ритамот на нашиот организам и кој предизвикува чувство на поспаност. Но, дури и малите промени во интензитетот на светлината го нарушуват неговото лачење. Ако го оставите телевизорот да работи, компјутерот или ламбата за читање на пример, а вие потонете во сон, ќе спиете многу полошо отколку во целосен мрак.
