Поради претераната грижа околу негата на лицето многу жени забораваат да им обрнат внимание и на другите делови на телото...

Врат

Не е тајна дека жените не штедат пари и напор за да  ја сочуваат младешката свежина на лицето, но често забораваат дека не е само лицето тоа што ги издава годините. За почеток, треба да му посветите големо внимание на вратот. Експертите велат дека тоа е едноставно, кремите и производите кои ги нанесувате на лицето можете да ги употребите и на вратот. Исто така, важно е да стекнете навика таа област да ја мачкате со крема со заштитен фактор од УВ зрачење.

Деколте

Поради изложеноста на сонце и оваа област е склона кон создавање брчки, а верувале или не, несаканите брчки може да настанат и ако со години спиете на иста страна на телото. Исто како и вратот и деколтето треба рутински да го мачкате со заштитен фактор и креми со кои го негувате лицето.

Раце

Не е изненадување тоа што и рацете заслужуваат посебна нега и секојдневна хидратација, а корисно е од време навреме да направите еден едноставен третман - рацете намачкајте ги со густа крема и ставете ракавици.

Коленици и лакти

Потрудете се на колениците секогаш да нанесете екстра крема, ако колениците и лактите ви се со потемна боја добро истријте ги еднаш неделно при туширање.