Одлучивте да издвоите пари за малку поквалитетна пудра, се упативте кон парфемеријата и одбравте одлична текстура, но наредниот ден се запрепастивте кога видовте дека вашата пудра е посветла. Отворената пудра е невозможно да се врати, па затоа не ви преостнува ништо друго освен да ги послушате нашите совети...

1.Потемнете ја
Поиграјте си со различните текстури и дома потемнете ја својата пудра. Додајте брознер и лесно размешајте го со новата пудра се додека не ја добиете саканата нијанса. За овој мал експеримент може да употребите и бронзер во гел или прав, а препорачливо е боите да ги мешате секогаш пред да ги нанесете на лицето, во мали количини.

2.Користете ја како highlighter
Светлата пудра во чаша може да се претвори во прекрасен highlighter, доволно е да ја размешате со некоја сјајна текстура која ја одбива светлината. Било да се работи за светкава камена пудра или сјани честички од крем, ставет малку од сјајната текстура во својата нова пудра и со нив поминете преку јаболчниците, под веѓите и во должина на носот за да добиете гламурозен изглед и да ги нагласите контурите на своето лице.

3.Користете ја како основа
Светлата пудра размешете ја со малку хидратантна крема и таквата мешавина нанесте ја на лицето како основа. Таквата смеса ќе ја изедначи бојата на вашето лице и ќе го подготви за останата шминка. Потоа со широка четка нанесте бронзер на цело лице, руменило, малку маскара и уживајте во природниот make up изглед.