Стручњаците за шминкање знаат како да го "извлечат најдоброто" од секое лице и дека за секоја жена важат нови правила кога е шминката во прашање. Но, сепка, постојат некои мали трикови на кои секогаш се придржуваат...

Познатиот шминкер Рики Вилсон, кој шминкал некои од најславните лица на денешницата, тврди дека жените често прават грешки при нанесувањето маскара, така што очите ги држат широко отворени, а лицето блиску до огледалото. "Лицето кое гледа кон огледалото е одлично за нанесување кармин или руменило, но маскарата бара малку поразличен пристап. Кога ги шминкате трепките, малку одалечете го лицето од огледалото и погледот спуштете го кон носот. На тој начин трепките подобро ќе ги подигнете и свиткате, а резултатот ќе биде спектакуларен поглед."

Ако обожувате изразени трепки, Вилсон има уште еден едноставен, а сепак успешен трик: "При нанесување на маскарата, четката поставете ја на самиот корен на трепките и направете лесни 'цик-цак' движења лево-десно. Така на трепките ќе им обезбедите прекрасен волумен!"