Без оглед на советите и препораките од лекарот за неопходноста за заштита од сонце, статистиката вели дека секоја втора возрасна особа гори барем еднаш годишно...

Сите знаеме што треба да правиме, да користиме креми со заштита, да го избегнуваме изложувањето на сонце меѓу 11 и 17, па повторно се случува да изгориме. Кога ќе поцрвените како рак, доцна е за цимолење, но може да пробате да ја намалите непријатноста и тоа со средства од домашната работилница.

Јаболковиот оцет ќе ја извлече топлината. Додајте лажица или две во кадата и легнете на 15-20 минути. Сода бикарбона исто така може да помогне. Во половина чаша вода додајте четири супени лажици сода и добро промешајте. Смесата со помош на вата тапкајте ја по изгорените места. Друга опција е да ја наполните кадата со вода и да додадете два филџани сода бикарбона.

Од помош може да бидат и црниот или зелениот чај кои се богати со танин кој исто така ја зема топлината. Направете јак чај, почекајте да се излади, а потоа искористето го за облоги. Може да помогне и свежо нане, ако го имате. Насецкајте два филџани свежно нане и таа количина поделете ја во четири филџани со врела вода. Кога ќе се олади, наполнете ја кадата за капење, додајте ја смесата и легнете некое време во водата. Ако немате када, може да ви помогнат и облоги.

И секако, не заборавајте го добриот стар јогурт - едноставно  ефикасно решение против изгореници. Нанесете јогурт на болните места и набргу ќе почувствувате олеснување.