Првото одење на плажа за многу жени е еднакво шокантно колку и возбудливо затоа што тогаш пред своите пријатели ќе се појават без шминка и облека која ги крие малите недостатоци и не прави посигурни. Ова се 5 работи кои треба да ги направите пред одење на море, а кои ќе ви овозможат да се чувстувате полни со самодоверба...
1.Депилација со восок или шеќерна паста
Без оглед на тоа дали ги користите услугите на козметичарка во текот на целата година кога е во прашање вашата бикини зона, секако ви препорачуваме пред одморот да направите темелна депилација со восок или шеќерна паста. Влакната барем две недели за вас ќе бидат непознат поим па ќе имате време за поважни работи како што се капење, сончање и летни романси.
2.Обојте ги трепките
Знаеме дека ќе кажете -овој третман е толку старомоден што не го прави дури ни вашата мајка. Можеби е, но мора да признаеме дека нависина вреди за воложените 20-тина минути колку што и трае. Темните трепки значи дека не треба да ставате додатна шминка ниту маскара така што во текот на целиот ден ќе изгледате прекрасно. Затоа размислете за овој мал третман за убавина кој прави чуда.
3.Научете да правите две супер фризури за плажа
Ако на летување одите со друштво, сигурно сакате да изгледате супер во секој момент, па ви препорачуваме неколку дена пред заминување да научите да правите две "мокри фризури". Без разлика дали станува збор за плетенка на страна, pin up марама или трака околу челото, кога ќе ги видите фотките од плажа, ќе бидете среќни што за "морската коса" сте се подготвиле предвреме.
4.Средете ги стапалата
На море ни во лудост немојте да одите без средени стапала. Супер педикир може да направите и дома. Ако сакате посебно да ги потхраните стапалата, недела пред одморот секој вечер мачкајте ги со дебел слој на хранлива крема, а потоа облечете чорапи и оставете кремата да се впие во текот на ноќта.
5.Направете добар пилинг
Пред изложувањето на сонце секако направете добар пилинг на лицето и телото. Тој ќе ги отстрани мртвите клетки и насобраната нечистотија, а вашата кожа ќе биде нежна, блескава и подготвена за нови предизвици.
