Дали сте ја пробале релаксирачката масажа со Garra Rufa? Лакомите риби не само што ја отстрануваат мртвата кожа од рацете и стапалата, туку и дејствуваат смирувачки, па дури и лекуваат разни кожни заболувања...

Што знаеме за Garra Rufa?
Garra Rufa или т.н. "Риби доктори" се од семејството Шаранови. Произлегуваат од Блискиот Исток - Турција, Иран, Ирак, растат во реките Тигар и Еуфрат уште од древните времиња. Живеат околу 6 години, достигнуваат големина од 12 до 15см. Потребна им е слатка вода, топла до 27 степени. Ако таа температура се надмине со два-три степени, умираат веднаш. Garra Rufa се хранат со алги.

Garra Rufa е најпопуларна во Турција, каде е посебно заштитен вид на риба поради стравувањата дека риболовот ќе ја намали популацијата, а е важен дел од здравствениот туризам. Во последните неколку години терапијата со Garra Rufa се прошири во САД, Велика Британија и Европа во козметичките и спа центри.

Како делуваат Garra Rufa?
Нежно и скокотливо Garra Rufa го чистат најгорниот мртов епидермален слој на кожа и со ензимот кој го содржат во устата го помагаат растот на новото ткиво. Звучи болно, но всушност е пријатно, речиси неосетно и стимулирачко. Garra Rufa го јаде само најгорниот мртов слој, залепените нечистотии, бактерии. Рибите прават слаба струја и делуваат релаксирачки, извршувајќи прекрасен пилинг.

Во текот на постапката рибите доктори испуштаат посебен ензим и така засегнатите делови се регенерираат исклучително брзо. Плунката на Garra Rufa содржи специјален ензим дитранол кој делува поволно на кожата и нејзините регенеративните способности. Овие нејзини својства се применуваат ефикасно во лекувањето на голем број кожни болести како што се акни, псоријаза, невродермитис, егземи, габи и други.

Пријатноста од постапката трае два дена, рацете или стапалата остануваат чисти и мазни како бебешка кожа.
За да се почувствува целиот ефект од релаксирачки масажа со Garra Rufa, треба да се применува барем 2-3 пати неделно. При лекувањето на разни кожни заболувања појавата на ефектот зависи најмногу од степенот на болеста и од општата состојба на организмот.