Невролозите предупредуваат дека сонот во текот на денот може да предизвика деменција...

Попладневниот сон може да доведе до деменција и оштетување на мозокот. Особено опасен е сонот по физичко оптоварување, на пример мала "дремка" по тренинг, покажува истражувањето на француски научници, во кое учествувале 500 жени.

Секоја петта жена која редовно заспива во текот на денот, покажала пониски резултати на тестовите за интелигенција. Истражувачите предупредуваат дека прекумерната поспаност во часовите околу пладне и попладне може да биде знак за когнитивни нарушувања.

Луѓето кои спијат по девет часа или помалку од пет исто така имаат намалени ментални способности. Прекумерното спиење или недостатокот на сон го зголемуваат ризикот од развој на Алцхајмерова болест или друга форма на деменција.

Научниците откриле и докази дека постои врска меѓу должината на сонот и кардиоваскуларните болести. Лекарите препорачуваат да спиете меѓу седум и осум часа, за да бидете здрави и одморени.