Ако вашата кожа веќе попримила убава златна боја, време е да ја прилагодите и шминката кон тоа. Ви претставуваме совети како вашата летна шминка да ја направите гламурозна, без да нанесете многу тешка козметика а при тоа да го истакнете својот потемнет тен...

Бронзер наместо пудра
Течната пудра не изгледа добро на потемнета кожа затоа што ќе и даде изглед на креда. Наместо пудра нанесете бронзер, со четка за руменило нансете го на образот, челото и носот. Ако сакате да ги прикриете подочниците или неправилностите на кожата, подобро да користите коректор.

Истакнете ги очите
На капаците исто така нанесте бронзер и додајте малку седести сенки во земјени нијанси. Ако сакате малку посмел изглед, пробајте нешто светкаво во крем бело, светло розево или нежно сина боја, така на најдобар начин ќе го истакнете бронзениот тен.

Заборавете на руменилото
Руменилото кое го користите ќе изгледа бледо на потемнета кожа па затоа целосно исфлете го од употреба. Ако не можете да излезете без руменило - повторно решение е бронзерот. Нанесете го малку повеќе на јаболчниците и благо размачкајте. Може да користите и бронзер во стик или течен.

Светкави усни
Бронзениот тен е идеална подлога за светкави сјајни усни. Нема да погрешите со проѕирен и розев сјај или светкав кармин во боја на праска или песок.