Со над 90% содржина на вода, но во исто време и комбинација на витамини од групата Б, витамин А и Ц, лубеница не само што ја хидратира кожата, туку и ќе ја направи убава, свежа и здрава...

Лубеницата има избелувачки својства, што често ја прави и состојка на различни козметички производи. Маските за лице со лубеница се повеќе од лесни за подготовка. Еве една од нив:

Земете неколку парчиња лубеница и отстранете ја кората и семките и испасирајте. Измешајте ги со малку авокадо и пасирајте повторно. Оставете смесата да се излади во фрижидер, а потоа намачкајте ја кожата на лицето. Студената лубеница ќе ја смири кожата, а комбинацијата со мастите на авокадото ќе се одрази уште подобро.

Пред да ја користите маската со лубеница, пожелно е лицето добро да го исчистите и да ја отстраните целата шминка од него.
Ако ја навлажните кожата со топла вода, порите ќе се отворат и тоа ќе и овозможи на маската да дејствува подобро. Не оставајте ја да стои помалку од десет минути.