Научниците од универзитетот John Hopkins во Балтимор тврдат дека средовечните мажи кои крчат во сонот имаат двојно пократок животен век, но сеуште немаат утврдено дали крчењето во сонот е предизвикано од лоша здравствена состојба или некој друг проблем.



Истражувачите од Балтимор го следеле здравјето на 6.000 испитаници на возраст над 40 години, цели 8 години. Пред почетокот на студијата на сите испитаници им е направен лекарски преглед. Во текот на испитувањето откриено е дека претерано опуштање на мускулите во грлото може да го сопре дишењето неколку пати во ноќта, додека личноста спие. Повторното вдишување после тоа го прекинува длабокиот сон. Таковите личности обично гласно крчат и се уморни во текот на денот.



Студијата покажала дека 8% мажи и 3% жени од испитаниците патат од тешко пореметување на сонот предизвикано од крчењето и дека дишењето им било прекинато околу 30 пати во еден час. Во текот на 8-годишното истражување, 1.047 испитаници починале. Занимливо е тоа што врската помеѓу крчењето станала многу очигледна кај мажите во средните години, но научниците не ја исклучуваат можноста дека истата врска може да се пронајде и кај жените и кај постарите мажи.