Одржувањето на витка линија и не е така тешко ако стекнете добри навики. Соковите да ги замените со вода, десертите со овошје, а во исхраната да внесувате што повеќе протеини и зеленчук, а помалку јаглехидрати. Гледате, не изгледа така тешко, уште само да ги создадете своите здрави навики...

Вода
После будење, и пред секој оброк важно е да испиете една чаша вода. Тоа го забрзвува метаболизмот и дава чувство на ситост. И секако, не заборавајте да пиете вода општо, секој ден е потребно барем 2 литри вода за здравјето на организмот.

Вистински доручек
Доручекот и понатаму е најважниот оброк во денот. Доколку го прескокнуваме, нашето тело ги задржува мастите и метаболизмот се забавува. Сложени јаглехидрати, житарки, јогурт и овошје се одличен избор за првиот оброк во денот.

Протеини
Кога јадеме протеини, подолго време сме сити, а тие помагаат во согорувањето на мастите. Пилешко, риба, телешко задолжително внесете ги во својата исхрана.

Ден без месо
Би било добро да навикнете на рутината еден ден да поминете без месо во менито. Него може да го замените со бројни извори на протеини како грав и леќа.

Зеленчук
Освен што е здрав, кога зеленчукот е во исхраната, не мора да ги броите калориите. Јадете го постојано и колку што сакате. Пробајте и нови начини на подготовка на зеленчукот.