Во текот на летото нема да ви биде тешко да најдете сочни и ароматични шумски или градинарски јагоди. Не ја пропуштајте оваа шанса да ја направите кожата на лицето поцврста и убава!...

Маска од шумски јагоди
Измешајте една жолчка со една кафена лажичка сок од шумски јагоди. Нанесете ја маската на лицето и оставете ја да дејствува 15-20 минути. Измијте прво со топла, а потоа со ладна.
Маската се прави 1-2 пати неделно, а целиот третман вклучува 15-20 маски. По пауза од 1.5-2 месеци можете да го повторите третманот.

Омекнувачка маска од шумски јагоди
Испасирајте ги шумските јагоди и добиената каша нанесете ја на лицето и вратот. Оставете маската да делува 15-20 минути. За полесно да ја нанесете можете да употребите газа или специјална подлога за маска за лице. Измијте прво со топла, а потоа со ладна вода.
Маската се прави 2-3 пати неделно,a целиот третман вклучува 20 маски.

Освежувачка маска од шумски јагоди
Измешајте ги пасираните шумски јагоди со малку свежа павлака или млеко. Нанесете ја маската на лицето и оставете ја да дејствува 15-20 минути. Измијте прво со топла, а потоа со ладна вода.
Оваа маска можете да ја применувате секојдневно во текот на еден месец.

Маска од градинарски јагоди
Измешајте една жолчка со една кафена лажичка сок од градинарски јагоди. Оставете маската да делува 10-15 минути и измијте прво со топла, а потоа со ладна вода. Во смесата може да додадете и една кафена лажичка масло или исто количество павлака, а ако сакате да ја направите погуста - јачменово брашно или леб. Измијте со слаб чај.
Маската се прави секојдневно во текот на еден месец.