Во економско тешкото време речиси секој е присилен да се откаже од некој поголем или помал луксуз. Поранешни анкети потврдија дека на жените од козметичките производи најтешко им е да се откажат од карминот, а новите истражувања пак покажале дека токму во ова финансиско тешко време тие настојуваат да изгледаат што попривлечно...

Рецесијата која го погоди и европскиот и американскиот континент многу луѓе натера да се откажат од летување, помалку да излегуваат или да купуваат велосипед наместо автомобил, но според резултатите на америкаснко истражување жените не се откажуваат од козметиката и гардеробата така лесно.

Токму во материјално тешката ситуација жените ќе го негуваат и ќе внимаваат на својот изглед за да ги привлечат слободните и финансиски сигурни мажи. "Можеби за тоа не сме свесни, но купуваме тесни фармерки и впечатливи кармини за да бидеме попосакувани за мажите. Иако мислиме дека сме доволно лукави да не наседнеме на рекламите, оние кои не повикуваат со паролите како "во овие фармерки ќе го фатите мажот", тврди Сара Хил, водич на студијата која во текот на 20 години го проучувала односот меѓу економската ситуација и производите за убавина и мода.

Таквиот феномен не е забележан кај мажите како ни тоа дека посебно се трудат во таквите животни ситуации да изгледаа попривлечно за спротивниот пол.