Дознајте кои козметички ритуали треба да ги сместите во секојдневната нега за да ги избегнете најчестите проблеми со кожата и косата во текот на летото...

Вратете и ја влажноста на кожата

На кожата ќе и ја вратите неопходната влажност со масло или млеко за тело со витамин Е или алое вера. Грубата кожа на лактите и колениците повторно ќе биде нежна ако редовно правите пилинг.

Спречете го перутењето на кожата

На високите температури кожата на лицето е изложена на разни иритации, па неретко се јавуваат алергиски реакции или црвенило. Поради тоа, пред да излезете на сонце користете креми кои содржат каротен и витамин Е, а ако кожата на лицето ви е сува - пијте повеќе вода.

Затегнете ги нозете

Убави и затегнати нозе се сон на секоја жена, па пред да облечете бикини - издепилирајте се и мачкајте ги нозете секој ден со препарат за затегнување на кожата. Уште ако нанесете и лосион за самопотемнување, вашите нозе ќе изгледаат беспрекорно.

Сочувајте го сјајот на косата

Фарбаната коса е поподложна на оштетувањата кои ги предизвикуваат сончевите зраци, поради тоа во текот на летото користете шампони и балсами за фарбана коса кои ја чуваат бојата.

Средете ги стапалата

Никако не заборавајте на стапалата. По секое туширање нежно истријте ги петите со специјален камен, а потоа на стапалата нанесете дебел слој хидратантна крема и облечете памучни чорапи.