И покрај разните третмани и средства, најбезболен начин за отстранување на несаканите влакна од телото и понатаму е бричењето. Единствената негативност е тоа што резултатот трае кратко, а постапката понекогаш предизвикува иритации. Еве неколку совети за да го извлечете максималниот ефект и да имате нежни нозе без искотини...

1.Немојте да се бричете наутро
После спиење кожата е отечена па нема да можете да ги избричете влакната поблиску до коренот. Нозете бричете ги попладне или навечер.

2.Направете пилинг
Пред бричење направете лесен пилинг за да го отстраните мртвиот слој на кожата.

3.Бричете се во текот или веднаш по туширањето
Топлата вода ги отвора порите и ги омекнува влакната.

4.Внимавајте кожата да не ви биде наежена
Кога кожата е наежена влакната се креваат и многу лесно може да си направите исекотини и да ја надразните кожата.

5.Користете подлога
Пена, гел, регенератор за коса или сапун, не е важно, таквите производи овозможуваат жилетот нежно да се лизга и го намалува ризикот од иритација.

6.Бавно и со трпение
Немојте да брзате, бричењето нека биде бавно, со трпение и нежно без притискање на жилетот на кожата.

7.Не поминувајте два пати преку исто место
Жилетот мора да биде остар така што во еден потег ќе ги отстрани сите влакна.

8.Измијте се со топла, па со ладна вода
Топлата вода ќе ги отстрани пената или гелот, а ладната ќе ја освежи кожата и ќе ги затвори порите.

9.Оставете ја кожата да се исуши
Ако имате време, најдобро е да ја оставите кожата сама да се исуши, или нежно тапкајте со крпата но избегнувајте триење.

10.Редовно менување на бричот и жилетите
Недоволно остриот брич може да ја иритира кожата и да предизивка црвенило.