Добрата крема за сончање мора да има заштита од УВА и УВБ здраците и висок заштитен фактор, но дали е нужно да биде скапа? Веќе со години се провлекува прашањето дали скапите креми со заштитен фактор се подобри за кожата од оние поефтините или само го плаќаме познатото име и фенси амбалажата...

Зошто некои креми се толку скапи?
Кремите за сончање се лесни за производство, но тоа што влијае на нивната цена се скапите истражувања. Со се поголемиот број на болни од рак на кожата, козметичките компании вложуваат милиони во истражувања, а тоа влијае на нивната крајна цена.

Не треба да се штеди на фактор
Кремите со повисок фактор, како што се 30 и 50, се значително поскапи од оние со понизок фактор, но стручњаците предупредуваат дека не треба да бидеме "стиснати" кога е кремата за сончање во прашање. Високиот фактор обезбедува подобра и подолга заштита за целото семејство, па затоа повеќе се исплати да се купи добра крема за сончање отколку скапа маскара.

Дали скапите креми се подобри?
Стручњаците се согласуваат дека скапите креми не пружаат повеќе заштита туку имаат само убава амбалажа и евентуално попријатна текстура или мирис. Минатогодишните истражувања на Consumer Reportsa откриле дека некои поефтини креми испитаниците ги оцениле како многу повлијателни од оние луксузните, па затоа при купувањето на средство за заштита подобро обратете внимание на својствата и висината на факторот отколку на амбалажата или името на производителот.