Кригла пиво или мала чаша вино три пати неделно го намалуваат за половина ризикот од ревматоиден артритис...

Научниците открија дека кај луѓето кои пијат три или повеќе пијалоци неделно,  ризикот да ја развијат болеста е помал за 52% во однос на оние кои се воздржуваат.

Истражувачите од институтот Каролинска во Стокхолм ја следеле конзумацијата на алкохол и ревматоидниот артритис меѓу 34 000 жени, родени меѓу 1914 и 1948 година.

Тие ги интервјуирале два пати - еднаш во 1987 година и втор пат десет години подоцна. Им поставиле прашања за конзумирањето на алкохол, исхраната, дали се пушачи, физичката активност и нивото образование.

"Ова истражување не треба да се гледа како индикација за "налевање" со алкохол. Треба да се запомни дека пиењето на алкохол во големи количини може да биде многу опасно за пациенти со ревматоиден артритис кои земаат лекови за болеста", предупредил проф Ален Силман, директор на истражувачкиот центар во Велика Британија.