Тешките слоеви на шминка не се прикладни за овиe пеколни горештини па многу девојки се откажуваат од својата класична рутина и од дома подобро би излегле во природно издание. Сепак, ако сакате да изгледате дотерано и во летните денови, ви претставуваме едноставен и брз make up изглед кој нема да се "растопи" на сонце и кој нема да ви одземе премногу време...

Што ви е потребно:

Хидратантна и крема со заштитен фактор

Коректор

Бронзер

Руменило

Водоотпорен туш за очи

Маскара

Лабело, сјај или кармин во омилената боја

Постапка:

1.На чисто лице нанесете од хидратантната крема за лице.

2.Со прстите рамномерно нанесете од кремата со заштитен фактор и почекајте добро да се впие.

3.Коректорот ставете го на прстите и со тапкање нанесете го на делот кај подчниците, од коренот на носот, на целите капаци се до веѓите.

4.Според обликот на вашите очи, нанесете водоотпорен туш така што ќе ја истакнете нивната форма на најубав начин.

5.Ставете маскара на горните и долни трепки.

6.Со голема четка полека нанесете го бронзерот на челото и образите, а потоа нежно поминете преку брадата и носот.

7.На јаболчниците нанеси малку руменило во боја праска или роза.

8.На усните ставете кармин, балсам или сјај во омилената боја.

Предупредување
Се освен маскарата нанесте го во лесен слој и добро размачкајте.