Кокосовата вода е здрава и вкусна. Таа содржи многу состојки кои се добри за здравјето а и помага во брзото намалување на тежината. Егзотичниот орев е богат извор на материи против стареење и има толкаво количество калории за да ве одржува витални и убави...

Една чаша кокосова вода содржи 46 калории во споредба со кокосовото млеко - 550. Водата на оревот хидрира добро (дури се користела наместо физиолошки раствор во Втората светска војна), бидејќи нејзиниот електролитен состав е близок до оној на човечката плазма.

Кокосовата вода е богата со магнезиум и калиум, не содржи масти туку само природни шеќери и минерали.

Конзумацијата на кокосова вода го зголемува чувството на ситост, со што се намалува количината на внесените калории. Апетитот и желбата за слатко значително се намалуваат. Кокосовата вода ќе ве ослободи и од токсините од организмот, со што ќе ви ја подобри општата здравствена состојба.