Гвинет Палтроу е најдобар готвач меѓу актерите, таа неодамна откри дека понекогаш ужива во алкохолните пијалаци...

По напорните работни и домашни обврски Оскаровката сака да се опушти со чашка од нејзиниот омилен коктел, кој содржи здрави и необични состојки, а краставицата е неизоставна. Можеби ќе ви звучи чудно бидејќи зеленчукот не се употребува често во коктелите.

Гвинет ги нагласува витаминските својства и големиот процент на вода со која изобилува овој вид на храна. Чилито е уште една многу посебна состојка која е одлична за здравјето на кардиоваскуларниот систем и го подобрува варењето на храната. Затоа без грижа на совеста можете да уживате во овој необичен коктел.

Состојки:

5-6 тенко исечени парчиња краставица

2 дл текила

Сода или минерална вода 

Лажица чили во прав

Сол и бибер

Подготовка:

Текилата истурете ја во чаши и додадете по малку сода во секоја. Ставете неколку коцки мраз и наредете ги парчињата краставица. Измешајте ги солта, биберот и чилито, па посипете по работ на чашата. Со секоја голтка каснете и парче краставица за да се освежите. На здравје!