Маската со белки од јајца е стар рецепт за убавина, која обезбедува ефтина природна алтернатива за разубавување. И навистина функционира...

Единствениот недостаток на маската е мирисот. Ако не ви се допаѓа мирисот на сурови јајца, може да го прикрие со додавање на ароматични масла.

Може да додадете и неколку капки лаванда, која помага во намалување на воспалението и црвенилото кое често е придружувано од акни.

Протеините ќе ви помогнат да се справите со акните и црните дамки, ќе омекне кожата, ќе ги стегне порите и ќе ја намали секрецијата на себум. Пред да ја употребите маската добро исчистете го лицето со пареа. Таа ќе ги отвори порите и така полесно ќе ја отстраните нечистотијата што ги предизвикува црните точки.

Исушете ја кожата пред да ја нанесете смесата.

Еве некои рецепти:

Овеснa каша и протеини

1 белка од јајца

1 лажичка мед

2 лажици овесни снегулки

Белката од јајца мешајте ја додека да добиете тврда смеса. Додајте ги медот и овесните снегулки. Мешајте додека не добиете хомогена смеса. Нанесете на лицето и вратот со кружни движења, тоа ќе помогне за намалување на акните. Оставете маската да делува најмалку 30 минути пред да ја измиете со топла вода.

Краставица и јајце

Парче краставица

1 белки од јајца

1 капка етерично масло

Разматете го јајцето додека да добиете тврд снег. Смелете ја  краставици во блендер. Потоа додете ја кон изматената белка а воедно додадете го и етеричното масло. Нанесете на лицето и вратот и оставете да отстои најмалку 30 минути пред да ја измиете со топла вода.

Итна маска

Ако имате итна потреба од отстранување на некоја акна, скршете едно јајце, изматете ја белката и нанесете ја на лицето. Оставете да се исуши. Исплакнете со топла вода.