Kако што подебелата облека ја заменувате со летните тенки крпчиња, така треба да ја замените и шминката. Обновете ја својата зимска шминка, за вашето лице полесно да дише во жешките денови. Еве неколку совети...
Подлога на лицето
Наместо да користите густа и "тешка" течна пудра која на вашето лице во текот на летото ќе му биде само непотребно оптоварување, користете лесна тонирана крема или минерална пудра. Така кожата на вашето лице полесно ќе дише. Не заборавајте на лицето да нанесете и хидратантен крем.
Руменило со малку сјај
Во продавниците ќе најдете многу производи кои како додаток имаат сјај, кој на кожата на лицето ќе дејствува како освежување. Вашето руменило кое сте го користеле во зима заменете го со понежна варијанта со сјај.
Сјај за усни
Силните и темни бои се премногу за во лето. Многу подобро ќе изгледате ако на усните нанесете сјај со малку боја. На усните, исто така, ќе им овозможите влажен и здрав изглед.
Водоотпорна маскара
За да избегнете размачкување на маскарата користете водоотпорна. Изберете ја онаа која на трепките им дава повеќе волумен и должина.
Внимателно со сенките за очи
"Тешката" шминка е некако поприфатлива за поладните денови, во текот на летото вашите очни капаци заслужуваат одмор. Освежете ги со светли нијанси и запаметете - помалку е повеќе.
