Ако го намалите консумирањето на храна за 40 проценти, ќе го продолжите својот живот за 20 години, покажуваат новите проучувања на универзитетскиот колеџ во Лондон...

Британските научници се надеваат дека новата студија ќе им помогне да откријат нови начини за борба против стареењето и болестите кои се негов придружник. Ако ја промените исхраната можете да го продолжите животот, категорични се експертите.

За време на лабораториските тестови експертите успеале да го зголемат животот на стаорците за 30 проценти, откако им ја намалиле количината на храна за 40 проценти. Истражувачите направиле експеримент и со овошни мушички кои имаат гени слични на човечките.

Така со помош на соодветна диета истражувачите се надеваат дека ќе го намалат ефектот на генетските мутации кои водат до развој на Алцхајмерова болест.