Дали сме тоа што јадеме? Кога е во прашање здравјето на нашата кожа, дефинитивно сме. Баш како што храната делува врз нашето срце, нивото на холестерол и крвен притисок, таа исто така има големо влијание врз здравјето на нашата кожа. Ова се неколку намирници кои ќе и дадат здравје и убавина на вашата кожа...

Mорска храна
Веројатно знаете дека омега-3 масните кисели се добри за срцето и крвните садови, но исто така се одлични и за нега на кожата. Омега-3 масните киселини се всушност спој на повеќе хранливи состојки кои телото не може да ги прозиведе само. Во исхраната внесете лосос, ослич и туна, а ако рибата не е вашето омилено јадење, фокусирајте се на бадеми, ореви и лешници.

Бобинки
Бобинките, особено јагодите и боровниците, имаат високо ниво на антиоксиданси, кои ги штитат клетките во борба против слободните радикали кои ја оштетуваат кожата. Поради тоа е многу важно да јадете храна која е богата со антиоксиданси затоа што токму тие го прекинуваат тој штетен процес на оштетување. Бибинките можете да ги купите секогаш, па дири и оние смрзнатите затоа што се подеднакво добри како и свежите.

Киви
Кивите се овошје кое е богато со витамин Ц, и тоа повеќе отколку портокалите, а тие вкусни плодови помагаат во одржување на нивото на колаген во кожата. Едно истражување покажа дека жените кои внесуваат поголеми количини на витамин Ц во своето тело имаат значајно помалку брчки од оние кои не се придржувале кон тоа. Црвените пиперки и мангото исто така се богати со овој важен витамин за убава кожа.