Болни и отечени нозе и груби стопала се типични летни појави кои доаѓаат со жештините. Летно време на нозете е потребно да им се посвети многу внимание за да се спречи пукањето на капиларите, болните и отечени глуждови и испотените стопала. Ви подаруваме природни производи кои ќе ви помогнат да се движите со насмевка...

10 совети за здрави и негувани нозе и стопала

1.Туширајте ги нозете и стопалата нутро и навечер наизменично со топла и ладна вода.

2.Дозволете си млечни купки за нозе во вода зачинета со морска сол и неколку капки релаксирачко етерично масло како рузмарин, лаванда, костен, боровница и мента.

3.Туширање или купка, наутро завршете со ладна а навечер со топла вода.

4.Кога можете, повеќе пати дневно малку движете се и подигнете ги нозете во рамна положба, потпирајќи ги на стол.

5.Секојдневното движење и конзумирање на витамин Ц ќе ја ублажи појавата на проширени вени и испукани капилари, како и болните отоци на глуждовите.

6.Секојдневно негувајте ги нозете со некоја од кремите, стимулирајќи го делувањето на вените и капиларите.

7.Пробајте редовно да одите на масажа и педикир

8.Ако педикир си правите сами настојувајте да не ја сечете кожата на ноктите за да ја избегнете можноста за попратни воспаленија. Едноставно после турпирањето и обликувањето на ноктите нежно турнете ја кон коренот и намачкајте со антисептик крема.

9.Тврдата кожа на работ од стопалата после туширање исчеткајте ја со груба четка, а петиците со камен или турпија, потоа измијте ги стопалата и намачкајте ги со крем.

10.Не заборавајте дека женските нозе и стопала побргу стареат од машките. За што подолго да го сочувате здравиот, младешки и свеж изглед на нозете и стопалата негувајте ги секојдневно со еднакво внимание како што ги негувате лицето и телото.