Секоја жена сака да биде привлечна, но желбата на понежниот пол да изгледа добро почнува да се претвора во манија, покажуваат резултатите од новата анкета...

За да го одржуваат идеален својот изглед, жените не штедат ниту време, ниту пари. Резултатите од новото истражување покажале дека 90% од жените никогаш не би излегле од дома без шминка.

Една третина од учесничките велат дека не би оделе дури ни до продавница ако не се со беспрекорен изглед. Истото важи, и ако треба да прошетаат своето домашно милениче.

64% од анкетираните не би отишле на работа без кармин и маскара, а 44% никогаш нема да застанат да се фотографираат ако немаат шминка на лицето.

Поголем дел од претставничките на понежниот пол велат дека се чувствуваат "голи" ако не се нашминкани.