Поминаа деновите кога жените пиеја чаша вино на празници, бидејќи современите дами се сериозна "конкуренција" на мажите...

Информациите за придобивките и штетите од алкохолот стануваат контроверзни. Сепак, фактите не можат да бидат премолчени - жените почнаа да пијат почесто од мажите.

Пред 20 години претставничките на понежниот пол пиеле 5,5 чаши алкохол неделно, сега бројката се зголемила на 8 чаши, а 20% од жените пијат и над 14 чаши за седум дена.

Сите знаеме дека прекумерна употреба на алкохол е штетна за здравјето и крие значајни ризици за црниот дроб и појава на рак.

Но исто така има тврдења дека умерените количини испиен алкохол носат придобивки - го намалуваат "лошиот" холестерол во крвта и штитат од срцеви проблеми. Неодамна дански истражувачи открија дека алкохолот не е штетен дури и за време на бременоста, се разбира ако е во мали количини.

Алкохолните пијалоци ги опиваат жените многу побрзо. Тоа е докажано со научни експерименти, според кои жените губат побрзо координацијата и умот како целина. И тоа е валидно, без оглед на растот и тежината.