Здрави навики кои лесно можете да ги вклопите во својата дневна рутина, најдобро меѓу ѕвонењето на будилникот и одењето на работа...

Овие совети се едноставни, а со нивна помош ќе бидете поздрави и посвежи.

Истегнете се во креветот

Наместо денот да го започнете со мрморење, истегнете се во креветот. На тој начин ќе ја поттикнете циркулацијата на крвта.

Пред појадок напијте се чаша вода

Откако сте спиеле осум часа на вашето тело му треба вода, исто како и храна. Пред да посегнете по чај, кафе или сок, испијте чаша вода. Кога телото е хидратизирано подобро функционира.

Појадувајте

Појадокот навистина е најважен дневен оброк. Со појадокот ги обезбедувате потребните калории за функционирање на телото, а и вашиот мозок подобро ќе работи ако појадете.

Раздвижете го телото

Вежбањето наутро е како на своето тело да му давате чаша физички кофеин. Ако немате доволно време, и со 10-минутно вежбање ќе постигнете одличен ефект.

Кажете и "не" на втората шолја кафе

Посебно во понеделник ќе дојдете во искушение да посегнете по втората шолја кафе во канцеларијата, иако првата веќе сте ја испиле дома. Екстра кофеинот ќе ве направи анксиозни и ќе ја забрза работата на срцето. Подобро е да се одлучите за некој чај.