Кремата со заштитен фактор е најважна работа која мораш да ја имаш ова лето, но додека го поздравуваме секое купување на овој важен козметички производ, ви препорачуваме пред одење на каса да размислите за вашиот избор. Важно е да одберете крема која ќе ве заштити но и која ќе одговара на вашата кожа...

1.Мрсна кожа склона кон мозолчиња
Ако имате проблем со нечист тен и мрсна кожа, изберете немрсна емулзија. Производите за сончање со ознака "oil free" нема додатно да ви ја замрсат кожата ниту пак да ви ги запушат порите па се идеален избор за проблематична кожа.

2.Осетлива кожа
Кожата ви е многу нежна и осетлива и склона на алергии и црвенило? Задолжително изберете производ за осетлива кожа. Лошата вест е тоа што ќе мора да платите малку повеќе, но барем нема да мора да се грижите за непријатното црвенило или осип кој би можел да се појави при користење на класична крема за сончање.

3.Сува кожа
Во вашиот случај, кремаста и густа структура е идеален летен избор. Можеби сте склони кон избор на производи кои бргу се впиваат но со оглед на фактот дека изложувањето на сонце додатно ја суши кожата, важно е да изберете хранлива и богата крема која вашата кожа ќе ја нарави нежна и сјајна.

4.Кожа без проблеми
Ако имате убава и негувана кожа без никакви проблеми, слободно можете да се одлучите на забавна верзија на производи за сончање како што се лосиони со светки, миризливо масло или крема во боја но секогаш имајте на ум заштитниот фактор да не биде помал од 20.