Целулитот е проблем кој ги вознемирува како обичните луѓе, така и познатите. Но, за убавиците од Холивуд е особено важно да изгледаат добро, бидејќи нивните тела заработуваат милиони...

Денес ќе ви го претставиме рецептот на Хали Бери - суперѕвездата позната од "X-Man", "Cat women" и многу други. Таа ќе ви раскаже како можете да се ослободите од целулитот со помош на кафето.

Рецептот на Хали Бери - кафе против целулитот

Рецептот на Хали Бери е многу едноставен. Актерката советува да си сварите убаво кафе и да уживате во пијалокот. Откако ќе го испиете, соберете го талогот во посебен сад со капак во текот на целата недела. Викендот кога ќе одлучите да пристапите кон антицелулитен третман, во талогот додајте една кафена лажичка маслиново масло и мед и промешајте. Еликсирот е подготвен!

Постапката пак се спроведува на следниов начин - прво кожата во проблематичните области се навлажнува во топла вода. Потоа добиената смеса се нанесува на потребните места и се прави активна масажа. По масажата треба да ја замотите кожата со пластична фолија и да лежете околу половина час. Потоа маската може да ја измиете.

Зошто кафето помага против целулит? Експертите, го истражиле овој метод и забележале дека кофеинот ја стимулира размената на материите во ткивата, а ефектот ја прави кожата затегната, нежна и мазна. Затоа навистина е можно да се ослободите од целулитот со кафе.