Истражувањето спроведено на универзитетот Бафало укажува на тоа дека консумирањето овошје и зеленчук може да го олесни откажувањето од цигари...

Според податоците собрани од околу 1.000 испитаници постари од 25 години, лицата кои повеќе јаделе овошје и зеленчук имале три пати поголеми шанси да се откажат од цигарите.

Научниците ги земале предвид и останатите причинители кои можат да влијаат на успехот при обидот за престанување со пушење.

Покрај тоа, се покажало дека пушачите кои јадат повеќе овошје и зеленчук пушат помалку цигари од останатите и имаат помалку изразена зависност од никотин.

Истражувањето било објавено во стручното списание „Nicotine and Tobacco Research“.