Според научниците проблемите со спиењето не прават поподложни на прехранбените искушенија...

За да го докажат своето тврдење тие извршиле функционална магнетна резонанца на 25 мажи и жени со нормална тежина, додека гледаат фотографии на здрава храна, како овошје и зеленчук, и нездрава храна како пица, крофни, колачи.

Скенирањето е спроведено во пет последователни ноќи во кои сонот на волонтерите бил ограничен до четири часа, а потоа е продолжен до девет часа на ден. При споредување на резултатите се утврдило дека краткиот сон го поттикнува апетитот и нездравата исхрана.

Причината за тоа се крие во двата многу важни хормони. При ненаспаност се зголемува одвојување на грелин - хормон кој го потикнува апетитот, а од друга страна се намалува синтезата на лептин - хормон со кој го ограничува апетитот.

"7-8 часа сон во текот на ноќта е важен за одржување на телесната тежина, и го спречува телото да дојде до вишок килограми. Не е прв пат истражување да покаже дека ограничениот сон има врска со ризикот од проблеми со тежината", велат научниците.

Тоа во некоја мера може да објасни и зошто со текот на годините некои луѓе се склони кон дебелеење а имаат проблеми со спиењето, како и зошто ноќната работа го зголемува ризикот од прекумерна тежина.