Зошто толку многу луѓе јадат кога им е досадно или се напнати? Бидејќи токму храната влијае на производството на "хормоните на среќата" во мозокот - механизам создаден од природата, а не од човекот. Ние само го користиме овој природен феномен, за да се чувствуваме подобро...

Да, навистина - вкусната храна сама по себе го зголемува нивото на супстанцијата допамин во организмот, исто како сонцето, смеата, сексот, уметноста благодарение на ендорфините - овие мали хормони на задоволство. За да го прилагодите мозокот да произведува ендорфин, со сета сила јадете лути пиперки - докажано е дека од лутото јазикот чувствува болка, а мозокот веднаш оделува ендорфин, за да го смири.

Освен вкус, храната треба да ни обезбеди стабилно ниво на шеќер во крвта и да ни достави аминокиселина триптофан која синтетизира уште еден "среќен" хормон - серотонин.

Сите знаеме за магична сила на чоколадото. Тоа го крева шеќерот во крвта, но за кратко. За трајно добро расположение (и за да ја зачуваме својата фигура) имаме широк избор на нова вкусна храна кои го одржува нивото на шеќерот во крвта стабилно.

Такви се богатите и сложени јаглехидрати, тоа е храна како пченкарен леб, шпагети, кафеав ориз, мешункаста храна, овесни снегулки - тие се апсорбираат побавно во организмот и при редовната употреба нивото на шеќер во крвта остануваат стабилно.

Триптофанот се содржи во сончогледово семе и овесни снегулки, пилешко и мисиркино месо, ананас, банани и смокви, сардини и туна, свежо сирење, спанаќ, кашкавал, соја, мешункаста храна.

Треба да знаеме како да ја зачуваме својата фигура од толку многу среќа.

Доброто расположение е можно и без постојано да се качуваме на вагата, ако почитуваме еден основен принцип на здравата исхрана - мали порции, но почесто, без да дозволиме да гладуваме поради што подоцна ни доаѓа да го опустошиме фрижидерот.

Формулата за вкусна среќа е лесна: Сложени јаглехидрати (за стабилно ниво на шеќер во крвта) + Храна со триптофан (за серотонин) = добро расположение.