Бидете внимателни кога дувате свеќички. Новото истражување покажа дека поголема е веројатноста да умреме на својот роденден, отколку во кој било друг ден...

Научниците, кои истражувале над 2 милиони луѓе во текот на 40 години, дошле до заклучок дека е зголемен бројот на смртните случаи на роденденот како резултат на срцев удар, мозочен удар, паѓање или самоубиство.

Вилијам Шекспир починал на својот роденден на 23 април 1616 година. Истата судбина ги снајде и актерката Ингрид Бергман, која исто така почина на својот роденден во август 1982 година. Кај луѓето над 60-годишна возраста веројатноста дека ќе починат на својот роденден е поголема за 14%.

Срцевите удари се зголемуваат со 18,6% на роденденот. Д-р Владе Аждачич-Гросо од Универзитетот во Цирих изјави дека "родендените завршуваат со фатален крај почесто отколку што се мисли". Тој додаде дека ризикот од смрт на роденденот се зголемува со староста на луѓето.

На родендените се забележува и зголемување на самоубиствата со 34,9%, на смртните случаи при инциденти кои не се поврзани со автомобили - 28,5% и на загинати при падови - 44%.