Додека мажите обожуваат да јадат сами и апсолутно им е сеедно дали ќе кажат некој збор во текот на оброкот или не, жените сакаат секој оброк да го претворат во вистинско мало дружење...

Сепак, стручњаците предупредуваат дека тие мали женски ручеци или вечери можат да бидат опасни за женската фигура. Како што покажало американското истражување на Plos One, жените имаат обичај да јадат иста количина храна како и нивната пријателка дури и со иста брзина а земаат и слични додатоци во исхраната.

Тоа значи дека често ја прекршуваат својата диета додека се наоѓаат во "пријатно женско друштво" или јадат многу повеќе отколку што навикнале ако нивната пријателка јаде повеќе.

Следниот пат кога ќе одите на вечера со пријателката однапред размислете што и колку сакате да изедете и држете се до тој план.