Луѓето кои имаат постојан пристап до интернет се изложени на поголем ризик од нарушување на сонот, стрес и симптоми на псхични болести, предупредија научниците од Универзитетот во Гетеборг во Шведска...

Во истражувањето биле вклучени околу 4100 волонтери на возраст меѓу 20 и 24 години. Експертите откриле дека оние кои интензивно користат интернет преку смарт телефон или лаптоп се загрозени од психички проблеми.

Главниот совет на истражувачите е да ги користите новите технологии умерено. Тимот од шведски научници извршил четири експерименти за влијанието на интернет врз  помладата генерација. Заклучокот е дека интензивната интернет комуникација кај луѓето, особено кај младите, води кон депресија и други психички проблеми.

Експертите утврдиле уште дека се поголем број луѓе го користат компјутерот и сурфаат на интернет во текот на ноќта. Се препорачува да се прават редовни паузи од мониторот, ако работите на компјутер во текот на целиот ден, како и да го ограничите пристапот до интернет во телефонот.