Едно истражување покажа дека консумирањето алкохол и цигари, како и прекумерната телесна тежина немаат влијание врз плодноста кај мажите...

Мажите кои водат нездрав живот имаат еднакви шанси да станат татковци, како и оние кои живеат  здраво и немаат лоши навики, како пушење или пиење алкохол.

Иако многу претходни истражувања и многу здравствени организации предупредуваа на тоа дека мажите можат полесно да станат татковци ако негуваат здрав животен стил, ако ослабат и избегнуваат да носат тесна долна облека, новото истражување покажува дека сето тоа нема влијание на плодноста.

И прекумерната телесна тежина нема никакво влијание на квалитетот на спермата. Бројот на здрави сперматозоиди зависи од тоа колку мажот е плоден. 

„Нашите резултати упатуваат на тоа дека изборот на начин на живот веројатно нема никакво влијание на тоа колку здрави сперматозоиди ќе има мажот. Тоа дали е пушач или не, или дали консумира алкохол или не, нема врска со плодноста", вели д-р Ендру Повеј. 

Но, сепак мажите не треба да се опуштат, затоа што овие лоши навики имаат влијание врз целокупното здравје на човекот.