Ранобудните луѓе се посреќни и позадоволни од животот отколку "ноќните птици". Добра вест за оние кои тешко се будат пред пладне е дека луѓето со текот на годините се учат да стануваат се порано, а таквата промена во дневниот распоред може да објасни и зошто возрасните луѓе се позадоволни од животот отколку младите...

Научници од универзитетот во Торонто го истражувале влијанието на навиките за спиење и како тие делуваат општо врз животот. Тие истражувањето го направиле врз две старосни групи, во едната имало 435 лице (од 17 до 38 години), а во другата 297 постари (од 59 до 79 години).

Анализата покажала дека само 7% од младите се утрински типови, но дека со текот на годините тоа се менува. До 60 години, повеќето луѓе се будат наутро без никакви проблеми. "Нашето испитување покажа дека луѓето од постарата група имаат повеќе позитивни емоции, и дека генерално се задоволни од својот живот од оние помладите. Будењето без тешкотии е поврзано со интензивното чувство на среќа кај двете старосни групи", изјавил др. Рене Бис.

Резултатите покажале дека утринските типови се чувствуваат поздраво, а научниците веруваат дека причина за тоа е квалитетниот сон во текот на ноќта кој позитивно влијае на имунитетот. Додека луѓето кои спијат подолго најверојатно незадоволни ги прави фактот дека утринсиот билошки часовник не им одговара со друштвените норми, оносно тоа што не можат да станат кога сакаат, туку кога морат.