Со правилна исхрана и вежбање, може да помогнат и некои козметички третмани, но од нив не очекувајте магични резултати...

Целулитот е болест која денес е широко распространета, дури и кај помладите. Обидете се да се сетите на некоја баба која имала целулит? Тешко. Причините се едноставни, недостатокот на физичка активност и храната полна со адитиви ја повикуваат несаканата кора од портокал на нашата кожа.

Затоа, борбата против овој непријател бр. 1 на добриот изглед не е нималку едноставна. Правилната исхрана е на прво место, а веднаш зад неа е редовното вежбање, можат да се додадат и некои козметички третмани кои телото повторно ќе го направат привлечно.

Не им верувајте на рекламите кои гарантираат исчезнување на целулитот за миг, туку фрлете се на етеричните масла кои одлично делуваат при уништувањето на целулитот, кофеинот кој ги гори маснотиите и разните билни екстракти и зачини кои ќе го отстранат целулитот од вашето тело.

Што се однесува до козметиката, ситуацијата е сложена. Постојат мал милион креми кои "симулираат кавитација", "ги претвораат лошите маснотии во добри" и слично. Но, веројатноста дека тоа ќе се случи е многу мала, скоро никаква. Затоа, вратете им се на корените - хранете се здраво и вежбајте.