Наместо да пиете некој безалкохолен пијалок, пред вежбање е подобро да јадете по една банана, тврдат американските научници...

Според научниците од универзитетот во Северна Каролина, бананата ќе ви го даде истото количество на енергија и е многу поздрава, од кој и да е енергетски пијалок.

Во истражувањето учествувала група велосипедисти кои на секои петнаесет минути во тричасовен натпревар пиеле по една чаша енергетски пијалок богата со јаглехидрати и втора група, која конзумирале по половина банана. Резултатите покажале дека бананата на спортистите им го дала неопходното количество антиоксиданси, кои не се содржани во енергетските пијалоци. Освен тоа, ги добиле потребните влакна, калиум и витамин Б6.

Вкусниот плод содржи здрава мешавина на шеќер, потребен за зголемување на енергијата и затоа им се препорачува на спортистите, наместо да конзумираат енергетски пијалоци, се вели во заклучокот на научниците.