Oколу 8000 жени во Франција се одлучиле на отстранување на имплантите на компанијата Поли имплант протези (ПИП), која се најде во центарот на светски здравствен скандал. Ова го покажуваат податоците кои датираат од крајот на април, а се објавени денес од здравствените власти...

Кон крајот на април 7868 жени ги отстраниле имплантите, од кои 5257 како превентивна мерка, соопшти Националната агенција за безбедност на лековите и здравствените производи (Ansm). "Агенцијата добила информации за вкупно 48 случаи на аденокарцином (рак) на дојка кај жените со импланти на ПИП" или уште три случаи во однос на крајот на март, прецизира истиот извор.

Според француските здравствени власти нема доказ за зголемување на ризикот од рак за жените со импланти на ПИП. Но сепак овие импланти имаат многу повисок процент на кинење од просекот. Се смета дека околу 30 000 жени во Франција се со вграден силикон од оваа компанија, чија централа се наоѓа во Јужна Франција. Владата им препорача на овие жени да ги отсранат имплантите.