Европско истражување покажало дека четири или повеќе чаши чај дневно го намалуваат ризикот од дијабетес тип два...

Истражувањето меѓу жителите на Стариот континент утврди дека земјите во кои се пие просечно по четири чаши чај на ден, како на пример Велика Британија, се изложени на 20% помал ризик од дијабетес.

Истражувањето покажува дека придобивките се најзабележителни кај луѓето кои пијат големи количини чај. Пиењето на една до три чаши на ден не го намалува ризикот од дијабетес. Истражувачите предводени од Кристијан Хедер од универзитетот во Дизелдорф, Германија, изјавија дека претходните истражувања покажале дека пиењето на чај се поврзува со намалената опасност од дијабетес тип два.

"Дебелината е голем ризик фактор за развојот на дијабетес тип два, но хранливите фактори може да влијаат. Еден интересен фактор е конзумирањето на чај. Тоа може да го намали ризикот од дијабетес тип два, како и да влијае на апсорпцијата на гликозата и да ги заштитува бета-клетките од оштетување од слободни радикали. Овој благотворен ефект исто така може да се должи и на присуството на полифеноли во чајот ", појасни Хедер.