За Џејн Кларк, секој ден почнувал од прилика на ист начин. Штом наутро ги отвори очите, зема таблета против болки и тоа само за да го "истера" денот. Но, пред да почне да делува таблетата, Џејн би мачела мака и со најобични работи, како што е слегувањето да ја зема поштата...

Константно чувствувала болки во грбот и вратот, иако ја зголемувала дозата на лековите. Со оглед на тоа дека Џени има 64 години, било би логично да претпоставиме дека боледува од некоја хронична болест. Но, вистината е малку изненадувачка. Најголем проблем на Џени и создаваат нејзините големи гради, пишуваат од Daily Mail.

Овој проблем со Џени го делат се повеќе жени. Просечната големина на градник во 50-тите била B, но денес е зголемена на C. Последиците кои жените ги имаат од тоа се болки во грбот, вратот и рацете, главоболки, осип дури и искривен 'рбет. А според истражувањето објавено во списанието "Journal of Plastic and Reconstructive Surgery" големите гради може да го намалат животот дури за 5 години.

Во текот на животот големината на градите се зголемува поради низа на фактори кои вклучуваат естроген во контрацепциските таблети и хормонските терапии. Сепак, фактот кој загрижува најмногу е оној кој кажува дека анализите на денешното мајчино млеко покажале дека тоа содржи траги на хемикалии, вклучувајќи и пестициди, за кои се верува дека се одговорни за растот на градите. Поради тоа многу жени можат да имат просечни гради но со текот на времето може да станат опасно тешки.