Вистинскиот избор на намирници може да ви помогне да го спречите настанувањето и намалувањето на целулитот и неговата видливост. Најдобра комбинација во борба против целулитот е здравата исхрана полна со вода и вежбањето со масажа на клучните делови од телото. Но, сите стручњаци се согласуваат дека правилната исхрана е сепак најважниот чекор во оваа борба. Ви носиме список на намирници кои ќе ви помогнат да се ослободите од целулитот и безгрижно да уживате во костимот за капење оваа лето...

Агруми
Познато е дека витаминот Ц го потикнува создавањето на природниот колаген во кожата, односно еластичноста на кожата, па поради тоа важно е во исхраната да внесувате што повеќе аргуми. Портокалот, лимонот и грејпфрутот нека се најдат на вашето мени барем еднаш дневно.

Целер
Целерот е супер намирница кога во прашање се слабеењето и борбата со целулитот. Тој го подобрува исфрлањето на маснотии од организмот, го намалува апетитот, го забрзува метаболизмот и помага во отстранување на целулитот.

Тропско овошје
Егзотичното овошје како банана, ананас, папаја или манго е богато со витамини и влакна и игра голема улога во спречување на оштетување на ткивото а со самото тоа и во борбата против целулитот. Состојката папин која се наоѓа во папајата ја прави кожата извонредно нежна и еластична, а воедно ја потикнува и циркулацијата.

Кромид и праз
Кромидот и празот помагаат при натрупувањето на вода под површината на кожата и елиминацијата на токсини. Како и кромидот така и празот помага да се ослободиме од вишокот на течност во организмот и во борбата против кожата како кора од портокал.

Бобинки
Бобинките содржат многу антиоксиданси кои му помагаат на организмот во елиминацијата на токсините кои се натрупуваат под површината на кожата, и на тој начин ја потикнуваат циркулацијата на крвта и го намалуваат целулитот. Не заборавајте во исхраната да внесете јагоди, брусници, малини, боровница и останати бобинки.

Зелка
Зелката исто така содржи супер витам Ц а покрај него е богата и со влакна, магнезиум, железо, калциум и цинк. Помага во регулирање на метаболизмот што ја прави одлична во борбата против килограмите и целулитот.