Ново истражување покажа дека ќелавате мажи се изложени на ризик од рак на простата...

Кај мажите кои се подложени на биопсија на простатата, постои поголема веројатност да им биде дијагностициран рак ако изгубиле значителен дел од косата, открија научниците. Причината за тоа не е јасна, но експертите сметаат дека таа може да е поврзана со повисокото ниво на тестостерон, хормон кој води до развој на клетките на ракот и во исто време го спречува растот на косата.

Д-р Нил Флешнер, раководел на истражувањето од Универзитетот во Торонто, рече дека иако откритието има потреба од потврда со нови истражувања, тоа треба да послужи како предупредување за мажите со опаѓање на косата.

"Колку помалку коса имаат мажите, толку е поверојатно да се разболат од рак на простатата. Ќелавите мажи треба да знаат дека може да им е од корист, ако се проверат навреме и можеби, ако е потребно, да подложат на биопсија ", изјавил Флешнер.

Резултатите се добиени со релативно малку истражувања со учество на само 214 мажи и не докажува категорично дека ќелавоста доведува до рак.