Ако не ја негуваме и храниме редовно кожата на лицето, таа пати од потхранетост. Ветарот и сонцето ја сушат така што ја прават нееластична и испукана. За да се опорави таквата кожа потребен е третман кој ќе ја обнови и ќе и ја врати убавината...

Еднаш неделно направете третман со крем од жолчка, кој ќе ја обнови и добро ќе ја нахрани сувата кожа. Жолчката содржи регенирачки супстанци кои силно и длабоко делуваат на кожата, на нејзиниот негуван изглед, еластичност и убавина.

Состојки и постапка

Една жолчка измешете ја со сок од половина лимон и ситно изрендана кора од еден цел лимон и додадете една лажица бадемово масло.

Состојките добро размешајте ги и добиената смеса користете ја како крема. Кога ќе ја нанесете на лицете оставете ја да делува 15 до 20 минути.

После третманот, кремата отстранете ја со памучна крпа или вата натопена во млака вода, или пак уште подобро, млако млеко.

Ако кожата ви е изразено сува, после отстранувањето на кремот, лицето намачкајте го со хидратантна крема.